Midistansya ang Malacañang sa apela ni kanhi Presidente Rodrigo Duterte nga makabalik siya sa Pilipinas kon maaprobahan ang iyang interim release.
Si Executive Secretary Lucas Bersamin niingon nga gawas sila sa gobyerno ug wala silay labot sa pag-aproba sa maong butang.
Matod usab niya nga wa silay labot sa bisan unsang opinyon sa usa ka abogado alang sa iyang kliyente.
Dugang ni Bersamin nga dili sila angayan nga mohatag og reaksyon tungod kay kini ang kaugalingong opinyon sa kanhi presidente.
Kahinumdoman nga si Nicholas Kaufman, abogado ni Duterte, nipahibalo nga kinahanglang tugotan sa gobyerno sa Pilipinas nga makabalik ang kanhi presidente sa higayon nga maaprobahan ang iyang interim release tungod sa nagkagrabeng panglawas niini.
Dugang pa nga gi-postpone usab sa International Criminal Court (ICC) ang confirmation hearing human ang kanhi presidente masakiton kaayo nga makaapil sa hearing.
