Dismayado ang Malakanyang ang pagpakamenos ni VP Sara Duterte sa San Juanico Bridge isip tourist spot.
Gipasiugda ni Palace Press Officer Claire Castro nga ang maong taytayan, nga 2.16km ang gitas-on ug gitukod niadtong 1973, usa ka simbolo sa katahom ug katakus sa engineering.
Siya usab miingon nga ang mubo o gitas-on sa usa ka taytayan wala magdeterminar sa status niini isip usa ka tourist spot.
Gihatag ni Castro ang ehemplo sa Golden Gate sa San Francisco, California, nga 2.7 kilometros lang ang gitas-on, ug bisan ang El Marco (nagdugtong sa Spain ug Portugal) nga unom lang ka metros ang gitas-on apan mga tourist spots.
Ang opisyal nagkanayon nga subo nga samtang si Pang. Marcos madasigon nga gipasiugda ang turismo sa Pilipinas, apan giguba kini sa mga kaubang Pilipino.
Mao kini ang reaksyon sa Palasyo sa pamahayag sa bise presidente didto sa Australia diin iyang gikwestyon kung giunsa nahimong tourist spot ang San Juanico Bridge.
