Gibutyag sa Malacañang nga ang bisan unsang matang sa sugal ang gibawal alang sa mga opisyal sa gobyerno.
Sumala kay Palace Press Officer Claire Castro, nga kabalo na ang mga opisyal kalabutan niini ug dili na kinahanglanghan nga sila pahinumduman pa.
Gihingusgan ni Castro nga kinahanglang magmaalamon ang mga opisyal sa publiko tungod kay ila kining responsibilidad.
Una niini, giangkon ni kanhi DPWH district engineer sa Bulacan nga si Henry Alcantara nga nigamit siya og “alias” ug peke nga ID sa pagsulod sa casino.
Si Castro niingon nga si Alcantara mahimong mapasakaan og kaso ubos sa RA 6713, sa kasong administratibo o kriminal depende sa iyang gibuhat.
Apan matod niya, ang Palasyo nagtugyan sa aksyon bahin niini ngadto kang DPWH Sec. Vince Dizon.
