Namatay ang usa ka college teacher samtang ginatambalan sa ospital human giingong gisumbag sa usa ka 19-anyos nga lalaki sa Barangay Mabilo, New Washington, Aklan.
Nasayran nga namatay ang biktima niadtong Martes, duha ka adlaw human sa insidente nga nahitabo niadtong Hulyo 26 atol sa usa ka advance graduation celebration sa maong lugar.
Base sa imbestigasyon sa kapulisan, naglalis ang maestra ug ang suspek atol sa maong okasyon.
Bisan pa nga pauli na ang biktima, gisundan matod pa gihapon siya sa suspek ug didto gihimo sa lalaki ang pagsumbag nga maoy hinungdan sa iyang pagkaospital.
Gidakop ang suspek ug unang gipasakaan og kasong frustrated homicide, apan sumala sa kapulisan, usbon na kini ngadto sa mas bug-at nga kaso human sa pagkamatay sa biktima.
