Padayon ang pagbuhos sa patimbaya human nga midaug si Filipino boxer Mark Magsayo batok kang Eduardo Ramirez sa Mexico.
Nakuha ni Magsayo ang unanimous decision sa ilang World Boxing Association (WBA) Super featherweight bout nga gipahigayon sa MGM Grand Las Vegas.
kini na ang ikaduhang away ni Magsayo sa 130 pounds kung asa nakuha niini ang score gikan sa judges nga 97-92, 99-90 ug 97-92.
Gikan sa unang round gipaulanan ni Magsayo ug kinumo ang kalaban kung asa napatumba pa niya kini sa ikatulong round pinaagi sa iyang right hook.
Sa pagsulod sa ikalimang round gipakita pag-usab sa Pinoy boxer ang pagka-dominante niya dihang miigo ang iyang wala nga hook nga nagresulota sa paglupad sa mouthpiece ni Ramirez.
Adunay record karon si Magsayo nga 26 ka daug, duha ang pildi nga may 17 knockouts samtang ang 31-anyos nga si Ramirez adunay 28 ka daug, upat ka pildi ug tulo ka draw nga may 13 knockouts.
