Usa ka makalilisang nga magnitude 6.6 nga linog ang mitay-og sa ikaduhang pinakadakong syudad sa Papua New Guinea sa Lae City niadtong Martes, Oktubre 7, 2025.
Kini ang gitaho sa U.S. Geological Survey diin gitala nga ang episentro sa linog kay anaa sa 26 kilometros gikan sa pusuran sa maong syudad nga adunay populasyon sa 76,000.
Nabati sab sa kapitolyo sa nasud nga Port Moresby ang maong linog nga mihatag og kahadlok sa mga residente.
Sumala sa pipila ka mga opisyal sa gobyerno sa maong nasud nga hilabihang ka bayolente sa maong linog nga mitay-og pagtakna alad 9 sa gabii (lokal nga oras).
Gani aduna pay seremonyas sa kamatayon sa anhing gobernador sa Marobe province sa Lae stadium ang nakugang sa pag-uyog sa yuta niadtong higayona.
Ang Papua New Guinea nahimutang sa “Ring of Fire” sa karagatang Pasipiko nga usa ka rehiyon sa kalibutan nga nailhan sa kanunay nga mga panghitabo sa linog.
Maayo nalang og walay tsunami warning ang giisyu sa maong panghitabo tungod kay anaa sa gilawmon nga 99.4 kilometros ang focus sa linog.
