GENERAL SANTOS CITY – Sunod sunod nga aftershocks ang nabatyagan human ang magnitude 5.6 nga linog nga miigo sa Sarangani Davao Occidental kagabie.
Apan gipaubsan sa Phivolcs ang linog sa magnitude 5.0 nga natala ang sentro sa gilay-ong 096 km South East sa lugar alas 8:45 sa gabie. Anaa sa 73 kilometers ang gilawom sa linog og tectonic ang origin.
Gumikan niini natala ang intensity 3 sa Glan, Sarangani og intensity 2 sa GenSan, Davao City, og Malapatan Sarangani Province.
Samtang ang Instrumental, nabatyagan ang Intensity 4 – Malungon, Sarangani
– Intensity 3 – Alabel, Sarangani
– Intensity 2 – Kiamba, Sarangani; General Santos City og Tupi, South Cotabato
Dili usab muobos sa 10 aftershocks ang natala hangtod kaganihang alas 4:00 sayo sa buntag kung asa magnitude 3.4 ang labing kusog.
Samtang mitay-og usab sa Malita, Davao Occidental ang magnitude 4.3 nga linog alas 9:56 sa gabie.
Miigo ang linog sa gilayong 7km sa Habagatan sidlakan nga bahin sa maong lugar nga may 174 kilometro ang kalawmon og tectonic ang origin.
Dungan niini, nabatyagan ang intensity 3 sa Gensan samtang ang instrumental intensities ang nabatyagan sa Malungon, Sarangani; Intensity 2 sa Alabel, Sarangani og Intensity 1 sa Tupi, South Cotabato.
Hinuon walay nareport nga damyos human ang duha ka medyo kusog nga pagtay-og .
