GENERAL SANTOS CITY – Gi-swerte pa ang mag-live in partner nga nabuhi human nga nangahulog sila sa tulay sa may Silway Brgy Dad. West ning syudad samtang sakay sa motorsiklo.
Giila ang driver sa motor nga si Alshibar Barot, 34 nga taga Bañas St Brgy Dad. South ning dakbayan.
Sa imbestigasyon sa kapulisan, alas dos kaganihang kaadlawon, sakay ang biktima sa motor kauban ang kapuyo ug pag-abot sa Silway River wala na makontrola sa driver ang manubela sa motor hinungdan nga nangahulog sa tulay.
Gikabutyag sa mga residente nga mitabang nga anaa asa impluwensya sa ilimnong makahubog ang maglive in partner.
Nakaangkon ug mga pangos og samad sa kalawasan ang duha hinungdan nga gidala sa Dr. Jorge P Royeca.
Gikabutyag nga dili kaayo taas ang tubig sa sapa kaganihang sayo sa buntag dihang nangahulog ang mga nasampit hinungdan nga paspas nga na-rescue sa mga tao sa maong lugar.
Kustodiya karon sa GenSan TMU ang motor sa mga nasampit.
