GENERAL SANTOS CITY – Sangko sa langit ang kalipay sa pamilya Cablitas human nga gipanaug ang ang guilty verdict sa pipila ka miyembro sa pamilya Ampatuan kalabutan sa ilang nahimong papel sa Maguindanao massacre case.
Matud kang Elliver Cablitas nga nakab-ot na sa ilang pamilya ang hustisya para sa namatay nga asawa nga si Maritess Cablitas, usa ka broadcaster.
Kini bisan pa daghan sa mga akusado ang naabswelto sa kaso apan ang mahinongdanon kanila nga masilotan og reclusion perpetua ang mga prime suspects nga mga miyembro sa pamilya Ampatuan.
Dugang pa ni Cablitas, ang ginaug nga guilty verdict sa 28 indibidwal paagi aron maka-move-on og dili na maguol ang ilang pamilya.
Samtang giampo niining hingpit nang mahiluna ang espirito sa iyang asawa tungod sa nakab-ot nga hustisya.
Sa pahayag niini una ang gikatakdang promulgation of judgement kagahapon, pipila adlaw usab siya nga gipadamgo sa iyang asawa.
