Anaa na sa luwas nga kahimtang ang mag-uyuan human nag-unay pagtinigbasay mgs alas-6:10 kagabii sa Zone 2, Barangay Jibao-an, Pavia, Iloilo.
Sa interbyu sa Bombo Radyo kang PCapt. Ritz Field Presquito, hepe sa Pavia Municipal Police Station, gi-ila niini ang biktima nga si alyas “Ever,” 40 anyos, samtang ang suspek mao ang iyang kaugalingong uyuan nga si alyas “Arnulfo,” 60 anyos, parehong construction worker ug pulos residente sa maong barangay.
Nasayrang nag-inom og ilimnong makahubog ang duha ug dihang nagkalalis, gibunalan sa uyuan ang ulo sa iyang pag-umangkon og kawayan, dayong tigbas gamit ang iyang sundang nga nasagang sa tuo nga kamot, ug dinhi na mibawi og tigbas ang biktima gamit ang sundang usab nga nakasukbit sa iyang hawak punting sa dughan kansa wala kini ma-intimano.
Dali silang gidala sa managlahing ospital samtang wala pa’y plano ang pamilya sa biktima nga mosang-at og reklamo batok sa suspek.
