GENERAL SANTOS CITY – Giandam na ang kaso batok ang usa ka mag-uuma nga nasikop human ang gipahigayon nga buy-bust operation sa Sitio Agbaboy, Brgy. San Vicente, Glan, Sarangani Province, kagahapong adlawa.
Base sa report sa Philippine Drug Enforecmet Agency kon PDEA-12, giila ang dinakpan nga si Gerry Baghibag, 27-anyos, residente sa nasampit nga lugar, human positibong napalitan ug marijuana sa kantidad nga P500.
Narekober sa nasampit nga operasyon ang gibanabanaang mukabat sa lima ka gramo sa pinaugang marijuana, nga may estimated value nga P175.
Gawas niini, naka-ibot usab ug duha ka punuan sa marijuana sa nahisgutang lugar, nga gibanabanaang nagkantidad ug P400.
Kasong pagsupak sa Sections 5 kon pagbaligya, ug and Section 16 kon pagtanum ug gidiling droga, sa Article II sa RA 9165 kon Comprehensive Dangerous Drugs Act of 2002, ang giandam nga kaso batok sa dinakpan nga kasamtangang balhug sa PDEA-12 Detention Facility.
