GENERAL SANTOS CITY – Kasong murder ang ipasaka sa kapulisan sa Glan Sarangani batuk sa usa ka mag-uuma human gipatay ang usa sa iyang paryente.
Kini human nasikop sa follow-up operation ang nagpangalang Randy Sabnal nga gitudlong mitigbas patay sa nagpangalang Renly Sabnal, 31 anyos pulos mga residente sa San Roque village Gumasa Glan Sarangani.
Matud ni Police Master Sergeant Pauling Orate, desk Officer sa Glan Muncipal Police Station nga nag-inum ang biktima ug ang suspek apan nagkalalis dihang mahisgutan ang kalabutan sa problema sa yuta.
Mikuha matud pa ug sundang ang suspek ug gitigbas ang biktima ug naigo sa ulo.
Nadala matud pa sa tambalanan ang biktima apan wala na kini makaabut pa human nabugtu-an sa kinabuhi.
Pagsaysay pa niini nga nakahatag na sa ilang complaint affidavit ang mga kabanay sa biktima.
