Mag-uuma, gipusil-patay sulod sa iyang panimalay

GENERAL SANTOS CITY – Padayong ginaila sa kapulisan sa Tupi, South Cotabato ang suspek nga mipusil-patay miaging gabii sa usa ka mag-uuma.

Kahibaluan nga ang biktima giilang si Mario Fuentes, 56-anyos, residente sa Extension Linan, Brgy Linan, Tupi, South Cotabato.

Base sa imbestigassyon, kung matud pang misulod ang suspek sa balay sa biktima dayon nangutana kon kinsa si Mario.

Dihang mitubag ang biktima nga siya si Mario, kalit matud pa kining gipusil sa suspek sa ulo makausa ka higayon dayon giusban pa nga maoy hinungdan sa hinanaling kamatayon sa biktima, samtang paspas nga misibat ang suspek.

Sa pagkakaron padayong ginasuta sa kapulisan ang background sa biktima aron matumbok ang ilhanan sa responsable sa pagpamusil.