Gibutyag ni Sarah ug Curlee Discaya ang giingong kaylap nga kurapsyon sa flood control projects sa Department of Public Works and Highways (DPWH) atol sa hearing sa Senate Blue Ribbon Committee kagahapon.
Matod sa magtiayon, subli silang gigamit sa mga opisyal ug mga magbabalaod sa pagkolekta og 10% ngadto sa 25% nga “kickbacks” sa kantidad sa proyekto isip kondisyon nga dili kini babagan.
Sumala usab sa duha nga andam sila nga mahimong state witness sa imbestigasyon sa Senado. Pipila sa mga ginganlan sa magtiayon nga giingong nalambigit mao sila: Pasig Rep. Roman Romulo, QC Representatives: Arjo Atayde, Patrick Vargas, Reynante Arogancia, Marvin Rillo, ug Marivic Co-Pillar, Marikina Rep. Marcy Teodoro, Bulacan Rep. Florida Robes, Aklan Rep. Teodorico Haresco, Romblon Rep. Leandro Madrona, Occidental Mindoro Rep. Leody Tarriela, Caloocan Rep. Dean Asistio, Zamboanga Sibugay Rep. Antonieta Yudela, Partylist Reps. Jojo Ang (Uswag Ilonggo), Nikki Briones (AGAP), Bem Noel (An-Waray), Terrence Calatrava, kanhi undersecretary sa Office of the Presidential Assistant for the Visayas (OPAV).
Gilauman nga magpadayon ang imbestigasyon sa umaabot nga mga semana.
