GENERAL SANTOS CITY – Narekober sa tropa sa gobyerno ang light machine gun og mga bala sa mga New People’s Army (NPA) nga gituohang gitago sa usa ka lugar sa T’boli, South Cotabato.
Sa pakighinabi sa Bombo Radyo GenSan, gibutyag ni LtC. Jones Otida, commanding officer sa 27th Infantry Batallion Philippine Army nga narekober sa iyang tropa ang M60 bulldog machine gun og pipila ka mga bala sa Mt. Marbao, Barangay Kematu, T’boli.
Gibutyag sa opisyal, nakadawat sila og impormasyon gikan sa mga residente kalabutan sa presensiya sa naasoyng mga armas nga gitago sa maong dapit.
Sa pamahayag sa nasampit nga ang nasampit nga machine gun ang armas nga ginagamit sa mga sundalo.
Base sa intelligence report nga nagtago sa lugar ang Guerilla Front 73 sa rebeldeng NPA nga may planong magpahigayon og kasamok og target ang mga dagkong kompanya.
Lakip sa target sa mga rebelde ang packing plant sa plantasyon sa saging sa maong munisipyo.
