GENSAN- Gitay-og sa Magnitude 5.9 nga aftershock ang kadagatan nga bahin sa Sarangani, Davao Occidental, ning-adlaw, pasado alas-2:39 sa kaadlawon.
Sumala sa Philippine Institute of Volcanology and Seismology (PHIVOLCS), Intensity III ang natala sa Kiamba, Sarangani ug Palimbang, Sultan Kudarat. Samtang, nabatyagan usab ang pagtay-og sa yuta sa General Santos City.
Gipahibalo sa PHIVOLCS nga ang maong pagtay-og usa ka aftershock sa Magnitude 7.8 nga linog nga miigo sa kadagatan sa Sarangani niadtong Hunyo 8, 2026, ingon man sa Magnitude 6.5 nga linog nga miigo sa kadagatan sa Davao Occidental.
Kahinumduman nga laing pagtay-og sa yuta ang nabatyagan kagahapon, pasado alas-5:22 sa hapon, diin natala ang Magnitude 5.2 nga linog sa Don Marcelino, Davao Occidental, kon asa natala usab ang Intensity I sa General Santos City.
