Sulod na sa grand finale sa “Drag Race Down Under vs. the World” ang Filipina drag queen nga si M1ss Jade So.
Nakuha ni Jade ang iyang ikatulong badge human makasulod sa Top 2 sa usa ka episode sa international drag competition.
Tungod niini, naapil siya sa mga queen nga nakasulod sa semifinals sa kompetisyon.
Tulo na ang badges ni Jade, kapareho nila Michael Marouli ug Art Simone sa wala pa ang semifinal round.
Sa kompetisyon, pipila na ka higayon nga nakadawat og pagdayeg si Jade gikan sa mga hurado tungod sa iyang mga performance ug talagsaon nga runway looks.
Nailhan si M1ss Jade So human sa iyang pag-apil sa “Drag Race Philippines” ug karon nagrepresentar sa Pilipinas sa international drag competition.
Samtang, gawas sa drag, nagpadayon usab siya sa iyang paghimo og musika. Lakip sa iyang mga bag-ong kanta ang “GODDESSA” ug “BAPHOMETA.”
Sa grand finale, maglaban ang mga finalists alang sa korona, setro ug titulo nga “Queen of the Mothertucking World,” lakip ang AUD50,000 nga premyo.
