Filipino Pride!! Nasakmit ang People’s Choice Award winner sa 2025 Embassy Chef Challenge sa Washington D.C. ang gitawag nga Bangus ala Pobre dish nila ni chef Paolo Peñalosa ug Maria Carmel Tabligan gikan sa Namit Filipino Barbecue.
Nasakmit sa duha ka culinary ambassadors sa Philippine Embassy ang award niadtong Hulyo 10 sa makasaysayanong Andrew Mellon Auditorium.
Gipresentar ni Peñalosa ug Tabligan ang bangus ala Pobre dish nga giubanan sa ensalada nga talong , ug inubanan og Calamansi Sunset cocktail.
Matod ni Ambassador Jose Manuel Romualdez, kining yanong putahe simbolo sa mainitong relasyon sa Pilipinas ug Estados Unidos.
Kini ang ikaupat nga People’s Choice Award sa Pilipinas sa maong kompetisyon, human sa mga kadaugan niadtong 2016 (Bringhe), 2018 (Sisig) ug 2022 (Chicken Inasal).
Alang kang Peñalosa ug Tabligan, kini nga pag-ila usa ka pasidungog sa lami, istorya ug kultura sa pagkaong Pilipino.
Ang tinuig nga Embassy Chef Challenge kabahin sa 2025 Events DC International City Food Festival.
Niini nga kompetisyon, ang mga chef gikan sa lain-laing mga embahada sa tibuok kalibutan nagpakita sa talagsaon nga mga lami sa ilang tagsa-tagsa ka mga nasud
