Gibaligya na sa Villar Group ang PrimeWater Infrastructure Corp. sa Crystal Bridges Holding Corp.
Ang Villar Group gipamunuan sa bilyonaryo nga si kanhi Senador Manny Villar.
Ang Crystal Bridges usab ang ginapanag-iyahan sa tycoon nga si Lucio Co.
Wala usab gisapubliko ang balor sa transaksyon sa pag-acquire sa Crystal Bridges sa 100 percent sa PrimeWater.
Ang PrimeWater mao ang naga-operate sa water og wastewater infrastructure projects sa tibuok nga nasod, kalakip na ang water district joint ventures, bulk water supply, og septage and wastewater management services.
Kahinumdoman nga kaniadtong Agusto, gibutyag ni kanhi Senator Cynthia Villar nga gibaligya ang Prime Water tungod wala usab sila naga-ginasya niini og ginagamit lang kini sa uban aron dautan sila sa politika.
