GENERAL SANTOS CITY – Magdeploy og marshalls ang Land Transportation Office (LTO) sa nagkadaiyang mga public utility vehicles (PUVs) aron maoy magsuta kung nagsunod sa health protocols ang mga nasampit.
Matud pa kang Director Macario Gonzaga sa LTO 12 nga lakip nga ilang sutaon kung nagsunod ang mga pasahero sa patakaran kung ensaktong gisul-ob ang facemask og faceshield gawas pa kung natuman ang driver kung pila lang ang gikatakda nga pasahero .
Galaum si Gonzaga nga sa lunes sugdan na ang deployment sa mga marshalls.
Kahibaluan nga may uban nga mga pasahero nga wala gisul-ob og ensakto ang facemask og faceshield.
Sa pamahayag sa mga eksperto kung tukma ang paggamit sa facemask og faceshield dako ang tsansa nga dili matakdan sa COVID 19.
Apila ni Director Gonzaga sa katawhan nga sundon ang mga protocols ilabi pa nagpabiling taas ang kaso sa COVID 19 sa rehiyon 12.
