LTO gipahinumduman ang mga tag-iya og mga sakyanan nga pamultahon sila kon dili itaod ang mga plaka sa ilang sakyanan

Gipahinumdoman sa Land Transportation Office (LTO) ang mga motorista nga ibutang ang plaka sa ilang sakyanan.

Si LTO Chief Vigor Mendoza nihimo niini nga pamahayag taliwa sa mga taho nga ang mga tag-iya og sakyanan tinuyo nga dili magtaod sa mga plaka bisan og na-isyuhan na.

Dugang nipasidaan si Mendoza nga ang dili pagbutang og plaka subay sa Republic Act 4136, o ang Land Transportation and Traffic Code of the Philippines, adunay multa nga P5,000.

Giangkon ni Mendoza nga adunay problema sa pag-release sa mga plaka sugod niadtong 2014, apan ang atraso sa upat ka ligid nga mga sakyanan dugay na nga nasulbad.

Gipasalig sa LTO Chief nga sa dili pa ang Hulyo ning tuiga, gilauman usab nga masulbad na ang atraso sa mga plaka sa motorsiklo.