Gisuspenso sa Land Transportation Office (LTO) ang lisensya sa drayber nga nalambigit sa mga aksidente sa kamatayon sa Ninoy Aquino International Airport (NAIA).
Gimanduan usab sa Department of Transportation (DOTr) ang drayber sa SUV nga ipaubos sa drug testing.
Matod sa LTO, temporaryong gisuspinde sulod sa 90 ka adlaw ang driver’s license samtang giimbestigahan ang insidente.
Base sa Anti-Drunk and Drugged Driving Act of 2013, ang mga drayber nga nalambigit sa disgrasya obligado nga mopaubos sa chemical testing, lakip na ang drug screening. Kon mobalibad sila, mahimong matangtang ang ilang lisensiya ug mahimo silang pamultahon.
Nasayran nga duha ka tawo ang namatay sa aksidente—usa ka 28-anyos nga lalaki ug singko anyos nga bata dihang gidaro sa usa ka SUV ang departure area sa NAIA Terminal 1. Tulo pa ang naangol ug gidala sa tambalanan.
Ang LTO nipagawas usab og show-cause order batok sa rehistradong tag-iya sa sakyanan. Gimandoan ang drayber sa pag-surrender sa iyang lisensya sa labing daling panahon.
