Gikumpitma ni Land Transportation Office (LTO) Chief Asec. Vigor Mendoza nga peke ang serial number sa driver’s license nga giingong gigamit ni kanhi Assistant District Engineer Brice Hernandez sa pagsulod sa casino.
Ang maong ID unang gipakita sa usa ka Congressional hearing, uban sa laing ID nga nagbutang sa nawong ni kanhi District Engineer Henry Alcantara.
Matod ni Mendoza, nahuman na ang tracking nga gihimo sa LTO sa records sa maong buhatan human na-issue ang kontrobersyal nga driver’s license.
Matod niya nga nigawas nga wala silay gihatag nga lisensya sa maong serial number.
Balik sa hearing nga gihimo sa Senado, usa ka driver’s license ID ang gipagawas sa mga senador nga nagpakita kang Engr. Ang litrato ni Henandez, uban ang pipila ka personal nga impormasyon. Apan, ang ngalan niini mao si Marvin Santos de Guzman.
Una nang nipagawas og show cause order ang LTO batok sa duha ka mga engineer nga paatubangon sila sa hearing, dungan sa padayong imbestigasyon kon giunsa nila pagkuha ang ilang mga pekeng ID.
Ang unang pagdungog gikatakda ugma, Septiyembre 12.
