GENERAL SANTOS CITY – Gikumpirma ni LTO 12 Director Macario Gonzaga nga gilugwayan ug 60 ka adlaw ang pagparehistro para sa sakyanan, lisensya sa pagmaneho ug pagkuha ug student permit nga angayan na untang mahuman karong bulan sa Hunyo apan sumala sa maong opisyal nga may duha pa ka bulan ang mga nanag iya ug sakyanan nga mag renew nga walay multa.
Dako matud pa ug posibilidad nga pagpatuman ug mga extension sa pagparehistro tangtangon na tungod hinmay hinay nga mga nagkaluag ang sitwasyon sa Rehiyon kalabutan sa covid-19 ug posible nga sa mga muabutay nga bulan madeklara nga ilalum na sa alert level 1.
Kahibaluan nga gimugna ang paghatag ug palugit sa LTO sa pag renew nga walay penalty ug paghatag ug mga extensions ngadto sa mga drivers tungod sa karong daghang protocols ang gipatuman sama sa social distancing ug daghan pa.
