Sugdan na sa Land Transportation Franchising and Regulatory Board (LTFRB) ang hugot nga pagdakop sa mga depasaheruan nga jeep nga wala naka-consolidate ilawom sa Public Utility Vehicle Modernization Program.
Makonsidera na sa LTFRB nga colorum ang maong mga jeepney human nga pakyas sila nga maka-consolidate sa deadline kaniadtong Abril 30.
Idungan sa LTFRB ang pagdakop sa ipahigayon nga tulo ka adlaw nga transport strike sa mga depasaheruan nga sakyanan gikan Hunyo 10-12.
Gibutyag usab ni LTFRB chairperson Teofilo Guadiz nga magkitaay sila sa kalsada ug angayang siguruhon nila nga aduna silay prangkisa.
Base sa datus sa LTFRB nga sa National Capital Region adunay 30,561 sa 49,593 ang naka-consolidate na ug sa tibuok nasud adunay kapin 81 percent sa mga depasaheruan nga sakyanan ang uyon sa PUVMP.
