GENERAL SANTOS CITY – Giabaga sa gobyerno ang gasto libreng sakay nga gitanyag sa pipila ka mga modernized vehicles sa syudad alang sa mga health workers.
Matud pa kang Director Renato Padua sa Land Transportation Franchising and Regulatory Board (LTFRB) 12 nga ang pondo ang gikan sa Bayanihan Act 2 kung asa silbing tabang sa drivers og operators nga naapektuhan sa pandemnya.
Sa pamahayag ni Director Padua nga kada semana P7,000 ang madawat sa driver sulod sa lima ka adlaw nga biyahe wala pay labot ang alang sa kooperatiba operator.
Gawas pa niini adunay madawat sila nga mukabat sa P20,000 sukad nga nagbiyahe sa miaging Mayo 1 hangtud Hunyo 15, 2021 .
Nanghinaut si Padua nga magpadayon ang maong aktibidad aron mas daghang drivers ang matabangan tungod sila ang nag-unang apektado sa pandemnya.
