LPA sa gawas sa nasud, hingpit nang nahimong bagyo

Hingpit ng nahimong bagyo ang gibantayang low pressure area (LPA) sa gawas sa Philippine area of responsibility (PAR).

Natumbok ang sentro sa tropical depression sa gilay-ong 2,005 km sa sidlakan amihanan sidlakan sa Extreme Northern Luzon.

Dala niini ang kusog sa hangin nga 55 kph og adunay paghaguros nga 70 kph.

Sa nakalabay nga mga oras halos wala kini nagbag-o og posisyon.

Samtang, usa pa nga low pressure area ang nagpabilin sulod sa PAR.

Ulahi kining nakit-an sa gilay-ong 575 km amihanan sidlakan sa Itbayat, Batanes.

Samtang nakaapekto usab ang habagat sa Central og Southern Luzon, apil na sa Visayas area.