London Airport nagkaguliyang tungod sa kadudahang butang nga nakit-an

Nagkaguliyang ang mga pasahero sa Gatwick Airport sa London human ang pagkadiskubre sa usa ka gidudahang ginadili nga mga butang sa bagahe.

Tungod niini daling miresponde ang explosive disposal team aron masusi dayon ang nasangpit nga butang.

Gikordonan sa kapolisan ang dapit diin estrikto usab sila sa pagsusi sa mga mosulod sa maong lugar.

Ang Gatwick Airport mao ang ikaduhang pinakabusy nga tugpahanan sa Britanya diin ang dakong bahin sa terminal gibakwit.

Ang mga kadudahang butang gidala sa gawas ug didto gipabuto aron dili makadaot sa mga pasahero.

Human sa kapin sa usa ka oras, gipabalik ang mga tawo ug normal na ang dagan sa trapiko sa lugar.