GENERAL SANTOS CITY – Balhog sa selda sa Lagao Police Station ang usa ka lalaki human madunggaban niini ang duha ka apuhan. Napatay ang nagpangalan og Sonny Luciano Rosanto, 70 anyos og padayong nagpaalim sa ospital ang biktima nga si Elsa Rosanto.
Giila ang suspek nga apo sa mga biktima nga si Gabriel Daniel, 23 anyos nga taga San Vicente Brgy.Lagao ning syudad. Sa pakighinabi sa usa ka Alias Dodong, alas 3:00 kagahapon sa hapon natingala siya nga adunay gahilak sulod sa balay sa mga tigulang og sa iyang pagl-lili nakita niini nga naligo na sa iyang kaugalingong dugo ang mga biktima.
Ilang nasayran sa uban nga silingan nga kalit nga miulbo ang kasuko sa suspek hinungdan gidunggab ang apuhan nga lalaki gamit ang kutsilyo.
Dugang pa niini, dugay nga panahon nga ang suspek ang aduany problema sa pangutok.
Apan sumala pa nga buotan matud pa ang nasampit kung dili mutukar ang sakit kung magutman.
Ang tigulang nga lalaki nakaangkon ug samad dinunggaban sa kilid sa lawas, likod nga lapos sa iyang dughan.
Samtang may duha ka samad sa likod nga bahin ang tigulang nga babaye.
Karong adlawa gikatakdang pasakaan og kaso sa kapulisan ang suspek.
