GENERAL SANTOS CITY – Isip pagsunod sa kamandu-an ni Pangulong Ferdinand Marcos Jr. nga tabangan ang mga mag-uuma.
Kini human gitunol ni South Cotabato Governor Reynaldo Tamayo Jr. ang duha ka milyon ka pesos nga pundo alang sa lima ka agrarian reform benificiaries sa probinsya.
Matud ni Tamayo nga tumong sa paghatag ug tig P400,000 nga mapalambo ang sektor sa pagpanguma nga gipatutukan karon sa gobyerno.
Gikadugang sa Opisyal nga magamit ang nahisgutang pundo aron mapahuman ang ilang mga processing building sa Cebuano Small Coco Farmers Multi-Purpose Cooperative, Kababaihang may Likas na Kakayahan at Talino Rural Improvement Club (KABALIKAT), Maibo Barangay Water System and Sanitation Association, Sawmill Coconut Vegetables Farmers Association (SACOVEFA) ug ang Tboli Agrarian Reform Women Association.
Matud niini nga ilawom sa iyang pagdumala, prayoridad sa programa ang agricultural ug economic sectors.
Gipasalig usab niini nga padayon ang paghatag sa pasilidad ug hinabang sa mga mag-uuma human 26 ka farmer association ang nahatagan miaging semana ug farm equipment machinery nga nagkantidad ug P65.4 million.
Sugod niadtong 2019 adunay P225.7 million nga pundo ilawom sa Rice Competitiveness Enhancement Fund Mechanization Component ang nahatag sa grupo sa mag-uuma sa probinsya.
