-- ADVERTISEMENT --
Target sa lokal nga panggamhanan sa Heneral Santos nga tabangan ang mga traysikol drayber sa dakbayan, ilabi na kadtong adunay prangkisa, aron makunhuran ang epekto sa kalit nga pagsaka sa presyo sa pamasahe ug gasolina.
Matud ni Mayor Lorelie Pacquiao, nagpagawas na siya og memo sa Finance Office sa Public Safety Office (PSO) aron mangita og budget nga magamit sa pagtabang sa mga drayber. Ang lakang usa ka pamaagi aron maalalayan ang mga drayber ug aron pud mapugngan ang sobra nga pagtaas sa pamasahe sa mga commuters.
Gipahimangnoan usab sa lokal nga administrasyon ang publiko nga ang tabang usa ka temporaryo ug planado nga lakang aron masiguro nga patas ang serbisyo sa transportasyon ug dili mabug-atan ang katawhan.
