Locker ni Kobe Bryant nabaligya sa presyo nga $2.8-M

Nabaligya sa kantidad nga $2.8 million ang locker i kanhi NBA star Kobe Bryant sa Staples Center.

Matod sa Sotheby’s Auction, wala nila damha nga moabot sa maong presyo ang nahisgutang locker tungod kay $1.2 milyones ra ang ilang inisyal nga banabana

Dugang pa nila nga kabahin sa halin idonar sa Los Angeles Lakers Youth Foundation isip pag-ila sa magdudula.

Kahinumduman nga namatay ang Lakers star human nahagsa ang helicopter nga iyang gisakyan uban sa iyang anak nga si Gianna.

Sukad sa kamatayon, misaka ang presyo sa mga memorabilia ni Bryant nga gibaligya sa mga subasta.