GENERAL SANTOS CITY-Nagsugod niining adlawa ang lockdown sa General Santos City Fish Port Complex sa Brgy. Tambler ning syudad.
Matud pa ni Paris Ayon, ang Food Safety Chief sa Philippine Fishiries Development Authority, walay operasyon sa Markets 1, 2, 3 og 4 hangtod sa September 6, 2020 hinungdan nga wala usay matigayon nga habwa.
Apan ginatugtan ang mga barko og panagatan nga mag-re-ice sa ilang mga isda luyo nga ang uban ang diretso sa ilang kaugalingong pantalan og didto na mag-re-ice. Walay apil ang cold storage sa shutdown nga gipatuman.
Sa pamahayag ni Ayon, samtang sirado ang Fishport magpatigayon og contact tracing sa tanang direct contact sa mga confirmed case nga trabahante o may negosyo sa Fishport.
Kahibaluan nga kasagaran sa mga nagpositibo may koneksyon sa maong pasilidad. Sa kasaysayan, labing una nga natigayon ang temporaryong paghunong sa operasyon sa Fishport sugod pa niadtong 1997 og kini tungod sa covid-19 pandemic
