Gi-aresto sa mga otoridad sa Chiba Prefecture, Japan ang usa ka 51-anyos nga streamer nga giila isip si “Zokkunzokkun” human naglibot sa usa ka residential area nga adunay gisul-ob nga panty sa iyang nawong.
Katuyoan unta sa lalaki nga makakuha og mas daghang viewers sa iyang online livestream, apan nagresulta kini sa iyang pagkapriso.
Nahitabo ang insidente sa syudad sa Ichikawa.
Nagsul-ob si Zokkunzokkun og puti nga gym uniform, pula nga bloomers, og pink nga underwear nga nakatabon sa iyang ilong og baba.
Gi-livestream niya kini samtang nagalibot sa mga balay.
Tungod niini, daghan nga residente og online viewers ang nag-report kaniya sa pulis nga nagresulta nga giaresto ang nahisgotan.
Giangkon niya nga gihimo niya kini para makadugang og viewers sa iyang channel nga adunay kapin 5,000 followers.
Adunay uban usab nga nagkwestyon kun nganong giaresto ang nasampit.
Gibarugan usab sa Chiba Prefecture nga ginapatuman lang nila ang nuisance prevention ordinance aron mapabilin nga tawhay ang komunidad nga walay aktibidad nga dili disente nga makit-an sa publiko.
