Gitay-og sa magnitude 5.9 nga linog ang Sarangani Island sa Davao Occidental alas 6:34 sa gabii, Sabado, Abril 4.
Base sa report sa PHIVOLCS, nabati ang linog sa nagkalain-laing lugar sa Mindanao, diin natala ang Intensity III sa General Santos City.
Sa Instrumental Intensity o natala nga kusog sa linog base sa mga instrumento, Intensity III ang natala sa lungsod sa Malungon sa Sarangani.
Samtang, Intensity II ang natala sa M’lang sa Cotabato, Digos City sa Davao del Sur, Jose Abad Santos sa Davao Occidental, ug sa mga lungsod sa Malapatan ug Kiamba sa Sarangani. Ang samang kakusog sa linog nabati usab sa T’boli, Santo Niño, ug Tupi sa South Cotabato, Palimbang sa Sultan Kudarat, ug usab sa General Santos City.
Intensity I natala sa pipila ka bahin sa Bukidnon, Cotabato, Davao del Sur, Davao Occidental, Davao de Oro, Misamis Oriental, Sarangani, South Cotabato, Zamboanga City, ug Davao City.
Hangtod karon, wala pay natala nga dakong kadaot o casualty kalabot sa linog.
Bisan pa, gipasidan-an ang posibleng mga aftershock, busa gitambagan ang publiko nga magpabiling alerto ug mosunod sa mga pasidaan sa mga awtoridad.
