GENERAL SANTOS CITY – Hugot na ang preparasyon sa dakbayan sa matigayon nga Linggo ng Kabataan.
Matud pa ni Kag. John Dendam nga magsugod ang selebrasyon sa Agosto 12 hangtud sa Agosto 17 nga apilan sa nagkadaiyang sektor sa mga batan-on.
Sa Agosto 12 ang gitawag nga International Youth Day nga may aktibidad sa Oval Gym.
Sa buntag may matigayon nga Parada ng Kabataan para sa edukasyon, forum nga ang topic mao ang The New Bold University: Reinventing Education pinaaggi ni Ralph Oliver Layco ang organizer sa The New Bold University og audnay segment nga gitawag nga Kabataan Magtanong kay Mayor nga ang mga batan-on mismo ang mangutana sa mayor .
Sa hapon may matigayon nga laro ng Lahi, Youth Got Talent. Sa agosto 13 usab adunay poster making contest, sa Agosto 14 acoustic contest, agosto 16, folk dance og hiphop dance contest og sa Agosto 17, amazing race and extreme games.
Samtang sa hapon ang judging sa photo contest.
Matud pa ni Dendam nga gilakip ang Laro ng Lahi para masayran sa mga bag-ong henerasyon kung unsa ang uso nga mga dula kaniadto.
