Mukabat sa lima ka mga armas ang nakumpiska sa kapulisan sa syudad kalabutan sa gipatuman nga gun ban.
Matud ni Lt. Col. Aldrin Gonzales, tigpamaba sa kapulisan sa syudad nga padayona ng gihimong pagbantay sa kapulisan pinaagi sa pagbutang ug checkpoint sa walo ka presento lakip na ang ginsakpan sa city mobile ug SWAT.
Matud niini nga tanan sa nasikop ang gipailawom sa proseso aron mapasaka ng kaso sa piskalya.
Dili lang armas ang nakumpiska apil ang mahait nga hinagiban busa nagdasok ang mga dinakpan sa mga presento.
Gipaklaro niini nga dili tanan nga politiko ang ilang mahatagan sa seguredad tungod manginahanglan pa kini ug pagtugot sa commission on elections.
Hinuon gipaklaro niini nga lakip sa ilang gihatagan sa seguredad ang grupo sa Media.
Gihangyo pa niini nga kung makadawat ug usab ang bahad sa kinabuhi ipaabut lamang sa kapulisan ug dili ihilum.
Sa kasamtangan ang syudad walay gikataho nga election watch lists luyo nga walay nahitabo nga election related incident.
Nasuta nga sa dakbayan adunay lima ang nagpapili pagka Mayor, Tulo sa Bise Mayor, tulo usab sa pagka Kongresista ug pinakadaghan ang kandidato pagka Konsehal.
