Lima ka tawo nasikop kalabutan sa pagsupak sa Anti Cyber Crime Prevention Act

GENERAL SANTOS CITY – Anaa sa lima na ka tawo ang naaresto sa Regional Anti Cybercrime Unit (RACU) 12 ning bulan sa Enero 2023.

Matud pa ni P/Lt. Jonathan Lopez, sa RACU 12 nga kini base sa kamanduan kanila nga tutukan ang mga wanted person nga angayang masikop.

Ang mga nasampit ang nag-atubang og kaso kalabutan sa Anti Cyber Crime Prevention Act o Republic Act no. 10175 .

Ang mga dinakpan ang nag-atubang og cyberlibe nga kasagarang kaso nga gipasang-at sa ilang buhatan.

Matud pa sa maong opisyal nga dili magpataka og post sa social media kalabutan sa pagpangdaut sa usa ka tawo tungod pwede mapasakaan og kaso.