Lima ka adlaw nga lockdown gipatuman sa Tupi

GENERAL SANTOS CITY – Nakahuman na sa iyang quarantine si Tupi Municipal Mayor Romeo Tamayo hinungdan nga nangunay sa pagpatuman sa lima ka adlaw nga lockdown .

Gipaniguro pa niini nga walay makagawas ug walay makasulod sa lugar hangtud Oktobre 27, 2020.

Kagahapon nagsugod ang pagpatuman sa lima ka adlaw nga lockdown aron magpahigayon ug contact tracing sa mga nagpositibu sa coronavirus disease.

Gumikan niini gipasalamatan ang kooperasyon sa publiko sa wala paggawas sa ilang pinuy-anan.

Samtang dili apektado ang mga barangay nga nahimutang sa gawas sa poblacion luyo nga sirado ang mga negosyo gawas na lamang sa nagatinda ug pagkaon ug uban pang essential nga aktibidad.