Gihingusgan ni Pres. Tharman Shanmugaratman sa Singapore ang kamahinungdanon sa kahimsog sa mga inahan ug mga bata, labi na sa ilang unang duha ka tuig.
Nahitabo ang pamahayag sa lider sa Singapore sa dihang personal nga gibita ang dakbayan sa Taguig sa tumong nga mas mapalig-on pa ang relasyon niini sa nasud partikular na sa pakigtambayayong sa natad sa panglawas.
Gihisgutan usab ni Tharman ang responsibilidad sa komunidad sa pagsiguro nga ang mga bata mahatagan ug usa ka maayong panglawas ilabi na ang mga inahan nga nag atubang ug problema.
Sa laing bahin, gipadayag ni Mayor Lani Cayetano ang mga lakang sa Taguig aron mapalambo ang serbisyo sa panglawas ug ang dedikasyon sa dakbayan sa pag-atiman sa mga inahan ug mga bata pinaagi sa pakigtambayayong sa Temasek Foundation of Singapore ug KK Women’s and Children’s Hospital.
Gipirmahan usab sa Taguig ang duha ka mga kasabutan aron mapalig-on ang mga serbisyo sa kahimsog niini ilabi na alang sa mga kabus nga komunidad nga kini nga mga kasabutan nagtumong sa paghatag ‘access’ sa digital healthcare sa 350,000 nga mga residente sa syudad ug mapaayo ang mga pasilidad sa kahimsog sa inahan ug bata.
Ang maong pagbisita sa presidente sa Singapore kabahin sa iyang tulo ka adlaw nga state visit sa nasud nga nagsugod sa miaging Huwebes
