GENERAL SANTOS CITY – Libuan ka mga kaigsuonang Muslim ang nagkahiusa sa gipahigayon nga Eid prayer sa MSU High School Campus dinhi sa siyudad kagahapong adlawa.
Dungan kini sa pagsaulog sa Eid’l Fit’r, ang kahumanan sa usa ka bulan nilang pagpuasa kon Ramadan.
Gipangunahan kini sa National Commission in Muslim Filipinos kon NCMF-GenSan.
Matud pa ni Atty. Guialil Kanda, director sa maong buhatan, kagahapong adlawa mao usab ang pagsugod sa tulo ka adlaw nga selebrasyon sa mga kaigsuonang Muslim, kung asa angayang maplantsa na ang tanang mga wala pagsinabtanay ug mga bangi.
Human ang Eid prayer, tagsa-tagsa usab nga nagsalu-lsao ang mga tanan nga mitambong kauban ang ilang pamilya.
Kahibaluan nga special non-working day kagahapon aron hatagan ug kahigayunan ang mga kaigsuonang Muslim nga makasaulog sa Eid’l Fitr.
