Mokabat sa 85 ka mga tribu sa Ati-Atihan, Balik Ati, ug mga modernong grupo ang subling maghiusa ug magpakita sa ilang kahanas alang sa grand opening sa Kalibo Ati-Atihan Festival 2026 karong umaabot Oktubre 8 hangtod 11, 2025.
Matud kang Boy Ryan Zabal, tsirman sa Sadsad Committee sa Kalibo Ati-Atihan Festival Board (KAFEB), muka bat sa 4,200 ka mga drummer ang gilauman nga magpartisipar aron ipakita ang ilahang mga talento sa pagsugod sa kulbahinam nga Opening Salvo showdown.
Matod niya nga ang sneak peak o unang pagtan-aw sa 2026 Ati-Atihan Festival magsugod sa alas 3:30 sa hapon, nga maghatag ug kinabuhi sa kadalanan uban sa dungan nga tingog sa mga tambol gikan sa mga partisipanteng banda gikan sa mga lungsod sa Malinao, Ibajay, Numancia, New Washington, Banga, Libacao, Makato, Lezo, Batan, Nabas, Kalibo ug uban pa.
Ang ‘Sadsad’ o street dancing gipaabot nga usa ka makalingaw kaayo nga kalihukan nga magsugod sa Mabini Street atbang sa Aklan Provincial Hospital. Ang rota sa unang grupo moagi sa Cor. Arch. Reyes Street samtang ang ikaduhang grupo moagi sa Martyrs Street, ug ang duha magkita sa Kalibo Pastrana Park.
Pangunahan ni Kalibo Mayor Juris Sucro ug Vice Mayor Philip Yerro Kimpo ang opisyal nga pagbukas sa programa alas 6:30 sa gabii nga sundan sa fireworks display.
Hingpit na usab ang pagpangandam alang sa bandang Elias JTV nga mopasundayag og live sa Kalibo Pastrana Park mga alas 10:00 sa gabii, diin, pormal nga mohunong ang street dancing sulod sa festival zone.
