GENSAN– Padayon nga nagkadaghan ang mga nakigpartner sa Bombo Radyo Philippines alang sa umaabot nga Bloodletting Activity nga Dugong Bombo nga ipahigayon sa Robinsons Gensan karong Nobyembre 15.
Usa sa nagpadayag sa ilang commitment og suporta ang Notre Dame of Dadiangas University ug Sagip Ka Foundation.
Matud sa Presidente sa NDDU nga si Bro. Manuel De Leon, FMS, usa ka bililhon nga buluhaton ang pag-donate ug dugo. Gibutyag niini nga muhatag sila ug libreng membership ngadto sa mga successful blood donors.
Ugaling ang miyembro ang maaksidente adunay refund nga madawat nga hangtod sa P10,000 ug simbako mamatay, adunay financial assistance nga madawat ang pamilya.
Ang mga malampusong blood donors makadawat ug “Dugong Bombo” T-shirt, hot meals sama sa lugaw, tubig o juice, food supplement o vitamins og Dugong Bombo Certificate.
