GENERAL SANTOS CITY – Hingpit ng nahimong balaud nga himuon nga libre ang entrance examination sa mga kuwalipikadong estudyante sa mga pribadong higher educational institutions (HEIs) human nahimong balaud.
Ang Republic Act No. 12006 o ‘Free College Entrance Examination Act’ ang giduso ni Senator Ramon “Bong” Revilla Jr. nga nagtumong nga himuon nga gaan ang higayon aron maabot ang dekalidad nga edukasyon sa kolehiyo sa mga kabus apan utukan nga mga magtutungha ug dili na pabayaron sa entrance examination fees alang sa college admission.
Sa maong balaud tanan nga private HEIs ang gimandu-an nga dili pabayaron ang mga nag-aplay sa college admission basta kuwalipikado ang mga nahisgutan.
Aron mahimong kwalipikado, angayan nga natural-born Filipino citizen; gikan sa top 10% sa graduating class; gikan sa pamilya nga usahon ang kita dili mulapas sa poverty threshold o walay kakayahan nga gastuhan ang inadlaw adlaw nga panginahanglan, angayan nga mag-aplay sa college entrance examination sa pribadong HEI sa nasud; ug siguraduhon nga kumpleto ang uban pang requirements sa mga pribadong HEI.
Kahinumduman kaniadtong Marso 2024, ang ‘Anti ‘No Permit, No Exam Policy’ Act’ (RA 11984) giduso usab ni Sen. Revilla ang nahimo usab nga balaud .
Sa maong balaud ginatugtan ang mga dis-advantaged student nga makakuha ug exam bisan wala pa nakabayad sa tuition ug uban pang school fees.
