-- ADVERTISEMENT --
Dungan sa pagsugod sa klase alang sa school year 2025-2026, ang Department of Health (DOH) motanyag ug libreng check-up alang sa mga first-time schoolers.
Matod ni Health Secretary Ted Herbosa, ang mga check-up ipahigayon sa nagkalain-laing publikong tunghaan isip kabahin sa Road Safety event sa DOH sa Pasay City karong Sabado, Hunyo 14.
Lakip sa ipahigayon nga check-up mao ang nutrisyon, mata, ug paminaw.
Gipaambit usab sa DOH nga ang pagbakuna sa mga tinun-an gikatakdang sugdan sa Oktubre, diin ang mga bakuna batok sa Tetanus-Diphtheria ug Human Papillomavirus (HPV) usa sa mga mabakunahan.
