Nakaangkon og 25 ka samad ang kanhi One Direction singer nga si Liam Payne human mahulog ug namatay niadtong Huwebes gikan sa ikatulong andana sa iyang gipuy-an nga hotel sa Buenos Aires, Argentina.
Gikaingong nakaangkon usab og grabeng samad sa ulo si Liam base sa autopsy report nga gipagawas sa mga awtoridad.
Sa imbestigasyon nasayran usab nga nag-inusara si Liam sa kwarto dihang nahitabo ang insidente.
Dunay timailhan nga nakasinati og “episode” ang singer gumikan sa substance abuse.
Ang pipila ka mga butang sulod sa lawak gikaingong nangaguba, og ang gidudahang droga ug alkohol ang nakaplagan.
Nakita usab sa kuwarto ang cellphone, lighter, energy packs, ug anxiety medication.
Sa karon, nagpadayon pa ang imbestigasyon sa kamatayon ni Liam.
Kahibaloan nga nagpagawas na ug pahayag ang mga kauban sa kanhi singer sa One Direction boy band nga hilabihan ang kaguol sa nahitabo kang Liam.
Ang mga kanhi miyembro sa banda naglakip nila Harry Styles, Zayn Malik, Louis Tomlinson, ug Niall Horan.
