GENERAL SANTOS CITY – Magpatabang sa Sanguniang Panglungsod ang buhatan ni Gensan City Administrator Atty. Franklin Gacal aron magmugna ug ordinansa nga maghatag ug duha ka bulan nga libre sa renta sa Gensan City Public market ang mga micro Rice Retailers nga naapektuhan sa gipatuman nga price cap ni Pangulong Ferdinand Marcos Jr.
Matud ni Atty. Gacal nga siya mismo ang nagsogyot kang Gensan City Mayor Lorelie Pacquiao nga i-wave ang duha ka bulan nga rental sa mga rice retailers.
Gawas sa kinse mil pesos nga hinabang sa gobyerno madugangan pa ang madaginot sa mga rice retailer .
Hinuon pagka karon plano pa lamang kini apan Dako matud pa kining tabang magdepende sa konseho kung aprobahan ang gisogyot nga ordinansa.
Aminado si Atty. Gacal nga dili gyud paigo ang 15,000 pesos nga ayuda nga gihatag sa Gobyerno sa mga nasampit ug aron nga makatabang usab ang syudad gihimo nila ang maong lakang.
