GENSAN– Misugod na karon ang lokal nga panggamhanan ang pagpanginlabot ug pagbantay sa tanang proyekto nga ipatuman sulod sa dakbayan, bisan pa kini mga proyekto sa ahensya sama sa DPWH.
Kini ang klarong pamahayag ni City Mayor Lorelie Pacquiao human sa kasinatian nga nahitabo sa miaging mga proyekto sama sa underpass project nga hangtod karon nagdala ug negatibong reaksyon gikan sa publiko tungod sa kalangan sa pagtrabaho niini.
Matod pa sa Mayor, bisan ug national ang proyekto, dili malikayan nga madamay gihapon ang lokal nga gobyerno kon adunay problema nga makita. Tungod niini, iyang gipasalig nga dili na tugotan nga mausab ang sama nga sitwasyon.
Dugang pa niya, masabtan usab ang sentimyento sa mga katawhan sa Gensan nga negatibo ang panan-aw sa bag-ong proyekto sa overpass tungod sa kasinatian nga nahitabo sa underpass project._ Si City Mayor Lorelie Pacquiao.
