GENERAL SANTOS CITY – Gibalik na sa LGU Malungon ang auction sa mga livestock matag adlaw nga myerkules isip usa sa economic enterprise sa munisipyo.
Usa kini sa nakita nga paagi sa lugar aron isig uli ang wala pagkasinabot tali sa mga seller ug buyer sa livestock pinaagi sa pagpanguna ni Municipal Economic Enterprise Development supervisor Marife Cachuela .
Positibu usab ang nahimong tubag ni Malungon Mayor Tessa Constantino human miabut sa lugar ang mga backyard grower dala ang ilang binuhi nga baboy, kanding ug uban pang livestock.
Gikan alas kwatro sa kaadlawon hangtud alas otso sa buntag lamang ang auction .
Nasuta nga ang LGU ang may dikta sa presyo sa matag livestock nga naa sa auction aron dili makapasulabi sa pagpatuman sa mahal nga presyo ang mga seller tungod adunay price ceiling nga ginasunod.
Kaniadto aduna nay susama nga aktibidad nga ginahimo matag adlaw nga byernes sa Barangay Malandag nga usa sa labing dako nga agricultural barangay sa Malungon apan naundang tungod sa mga patakaran sa african swine fever.
Niini nga semana mukabat sa kwarenta ka baboy ug duha ka kanding ang gipili-an sa mga buyer gikanb sa lain laing barangay sa Malungon ug silingan nga munisipyo sa Tupi, South Cotabato; Bansalan ug Digos, Davao del Sur; lakip ang General Santos City.
