GENERAL SANTOS CITY – Mas gipakusgan pa sa lokal nga gobyerno sa Glan ang pagpatuman sa hugot nga pagbantay batuk sa African swine Fever (ASF) sa tulo niini ka barangay.
Matud ni Virginia Musa, municipal agriculture officer,nga may namonitor nga susama nga sakit sa Barangay Calpidong .
Sukad pa niadtong Hulyo dul-an na sa 200 ka mga baboy ang gipailawom sa culling human nakaabut sa Barangay Pangyan.
Mikatag pa sa silingan nga Barangay sa Batulaki nga naka epekto sa mga backyard swine raisers.
Gani giproseso na sa ilang buhatan ang paghatag ug financial assistance nga P5,000 sa matag babpoy nga na cull gikan sa Department of Agriculture.
Samtang ang South Cotabato Swine Producers Association, grupo sa commercial hog producers ang mihatag ug cash assistance nga P325,000 aron gamiton sa pagpugong sa ASF outbreak.
